Aleanca për Ardhmërinë e Kosovës i është përgjigjur Aleksandër Vulinit për deklaratën se Ramush Haradinaj do të zvarritet para ushtrisë serbe. Partia e Haradinajt ia ka kujtuar ministrit për Punë e çështje të luftës gjenocidin serb në Kosovë.
“Serbia e përfaqësuar me njerëz si Vulini, replikën e fundit e ka marrë në vitin 1999 nga Ramush Haradinaj dhe Kosova, dhe do mbetet e tillë derisa Kosova është e fortë të qëndrojë në këmbët e saj. Sa për edukimin tuaj, duam t’ua rikujtojmë se gjenocidi serb në Kosovë ka këtë bilanc: rreth 20 mijë të vrarë e masakruar, 5 mijë të zhdukur, 20 mijë femra të dhunuara, 800 mijë civilë të dëbuar. 250 mijë objekte të rrënuara, asnjë përgjegjësi, asnjë kërkimfalje”, thuhet në reagim të AAK-së.
AAK thotë se serbët do të jenë përherë humbësit më të mëdhenj teksa vazhdojnë të ushqejnë retorikën e ish-udhëheqësit serb Millosheviq.
“Përderisa vazhdoni të ushqeni retorikën gjenocidale të Millosheviqit, duke fyer rëndë viktimat e pafajshme civile të luftës së fundit të Kosovës, ju do të vazhdoni të jeni humbësit më të mëdhenj – ashtu siç humbët në vitin 1999 përballë UÇK-së e NATO-s. Serbia nuk është gati për paqe, sepse ju nuk jeni gati për të vërtetën. Rruga e Kosovës është e pakthyeshme!” – thuhet në reagimin e AAK-së ndaj akuzave, kërcënimeve e trillimeve të zyrtarit serb.
Pse këto dy shenja të horoskopit janë gjithmonë në qendër të...
Përfshihet nga zjarri një banesë në Fier
Barça deklason Bayern, Atletico bie nga Lille, Inter fiton m...
Mbretëri e Bashkuar, vdekjet nga kokaina u rritën 30%
Mbrojtja Civile e Gazës thotë se tre punëtorë të saj u plago...
“Prishet miqësia”, përplasje e fortë mes Vullnetit dhe Gresë...